திருவிருந்து ஆராதனை முறை | Sunday Holy Communion Service

===============

திருவிருந்து ஆராதனை முறை (C.S.I)

==============

ஒரு பாட்டுப் பாடவும்

நின்றபடியே ஜெபம் செய்வோம்

நாம் நின்றபடியே கடவுளைத் தொழுவோம், திருவிருந்து ஆராதனை முறைமையைப் பின்பற்றுவோம்.

எல்லா இருதயங்களையும் எல்லா விருப்பங்களையும், எல்லா இரகசியங்களையும் அறிந்திருக்கிற சர்வ வல்லமையுள்ள கடவுளே, நாங்கள் ஆண்வரிடத்தில் பரிபூரணமாய் அன்பு கூரவும், உமது பரிசுத்த நாமத்தை உத்தமமாய் மகிமைப்படுத்தவும் உமது பரிசுத்த ஆவியின் ஏவுதலால் எங்கள் இருதயத்தின் சிந்தனைகளைச் சுத்தம் பண்ணியருள எங்கள் கர்த்தராகிய கிறிஸ்துவின் மூலமாக வேண்டிக்கொள்ளுகிறோம். ஆமென்.

பின்பு எல்லோரும் சேர்ந்து பாட அல்லது சொல்ல வேண்டியது

உன்னதத்திலிருக்கிற தேவனுக்கு மகிமையும், பூமியிலே சமாதானமும், மனிதர்மேல் பிரியமும் உண்டாவதாக. கர்த்தராகிய பராபரனே, பரம ராஜாவே, சர்வத்துக்கும் வல்ல பிதாவாகிய தேவனே, உம்மைத் துதிக்கிறோம். உம்மைப் புகழுகிறோம். உம்மை வணங்குகிறோம். உம்மை மகிமைப்படுத்துகிறோம். உமது சிறந்த மகிமையினிமித்தம் உமக்குத் தோத்திரம் செலுத்துகிறோம்.

கர்த்தராயிருக்கிற ஒரே பேரான குமாரனாகிய இயேசுகிறிஸ்துவே, கர்த்தராகிய பராபரனே, பிதாவின் சுதனே, உலகத்தின் பாவத்தைச் சுமந்துதீர்க்கிற தேவ ஆட்டுக்குட்டியே எங்களுக்கு இரங்கும்.

உலகத்தின் பாவத்தைச் சுமந்து தீர்க்கிறவரே, எங்கள் ஜெபத்தை ஏற்றுக்கொள்ளும். தேவானாகிய பிதாவின் வலதுபாரிசத்தில் வீற்றிருக்கிறவரே எங்களுக்கு இரங்கும்.

நீரே பரிசுத்தர், நீரே கர்த்தர், இயேசுகிறிஸ்துவே, தேவரீர் ஒருவரே, பரிசுத்த ஆவியோடே தேவனாகிய பிதாவின் மகிமையிலே உன்னதமானவராயிருக்கிறீர். ஆமென்.

நியாயப்பிரமாணத்தையும் தீர்க்கதரிசனங்களையும் நமது ஆண்டவர் தொகுத்து அருளியது:

நம்முடைய கர்த்தராகிய இயேசுகிறிஸ்து சொன்னதாவது: இஸ்ரவேலே கேள்: உன் கடவுளாகிய கர்த்தர் ஒருவரே கர்த்தர். உன் கடவுளாகிய கர்த்தரிடத்தில் உன் முழு இருதயத்தோடும், உன் முழு ஆத்துமாவோடும், உன் முழு மனதோடும், உன் முழுப் பலத்தோடும் அன்பு கூறுவாயாக என்பதே பிரதான கற்பனை. இதற்கு ஒப்பாயிருக்கிற இரண்டாம் கற்பனை என்னவென்றால்: உன்னிடத்தில் நீ அன்புகூறுவதுபோல பிறரிடத்திலும் அன்புகூவாயாக என்பதே. இவைகளிலும் பெரிய கற்பனை வேறொன்றுமில்லை. இவ்விரண்டு கற்பனைகளிலும் நியாயப்பிரமாணம் முழுமையும் தீர்க்கதரிசனங்களும் அடங்கியிருக்கிறது என்தே. (மாற்கு 12, மத்துயு 22)

கர்த்தாவே எங்களுக்கு இரங்கி, இந்தப் பிரமாணத்தைக் கைக்கொள்ள எங்கள் இருதயத்தை ஏவியருளும்.

கிறிஸ்துவுக்குள் அன்பானவர்களே, நாம் இப்பொழுது கடவுளுடைய மகா பரிசுத்த வசனத்தைக் கேட்கவும் ஆண்டவரின் திருச்சரீரத்தையும் (திருஉடலையும்) இரத்தத்தையும் பெற்றுக்கொள்ளவும், இங்கே கூடி வந்திருக்கிறோம். உத்தம மனஸ்தாபத்தோடும், உண்மையான விசுவாசத்தோடும் ஆண்டவரிடத்தில் கிட்டிச் சேருவதற்காக கடவுளுடைய கிருபையைத் தேடி முழங்காற்படியிட்டு, மௌனமாக (ஜெப நிலமையிலே) நம்மை நாமே சோதித்து அறிவோமாக.

(எல்லோரும் முழங்காற்படியிட்டு சற்றுநேரம் அமைதியாயிருந்தபின் குரு சொல்வது)

நமது பாவங்களினிமித்தம் முழு இருதயத்தோடே உண்மையாய் மனஸ்தாபப்பட்டு, பிறரிடத்தில் அன்பும் சிநேகமுமாயிருந்து, இனி கடவுளுடைய கற்பனைகளைக் கைக்கொண்டு, புதிதாக்கப்பட்டவர்களாய், அவருடைய பரிசுத்த மார்க்கத்தில் நடப்போம் என்று தீர்மானித்திருக்கிற நாம், நமது ஆண்டவர் இயேசுகிறிஸ்துவின் மூலமாய்ச் சர்வவல்லமையுள்ள கடவுளோடு ஒப்புரவாகும்படி, மறுபடியும் நமது பாவங்களை மனத்தாழ்மையாய் அறிக்கையிடுவோம்.

பின்வரும் கவியை பாடலாம்:

கீர்த்தனை - 121

தீய மனதை மாற்ற வாரும், தூய ஆவியே

தூய ஆவியே –கன நேய மேவியே

தீய மனதை மாற்ற வாரும் தூய ஆவியே

(அல்லது)

பாமாலை - 292

நான் பாவி தான் ஆனாலும் நீர்

மாசற்ற ரத்தம் சிந்தினீர்

வா என்று என்னை அழைத்தீர்

என் மீட்பரே, வந்தேன் வந்தேன்

யாவரும் சேர்ந்து சொல்வது:

பரமபிதாவே, உமக்கு விரோதமாகவும், எங்கள் அயலாருக்கு விரோதமாகவும், பாவஞ்செய்தோமென்று அறிக்கையிடுகிறோம். ஒளியில் நடவாமல், இருளில் நடந்துவந்தோம், கிறிஸ்துவின் நாமத்தைச் சொல்லியும் தீமையை விட்டு விலகவில்லை. எங்களுக்கு இரங்க வேண்டுமென்று உம்மிடம் மன்றாடுகிறோம். இயேசுகிறிஸ்துவினிமித்தம், எங்கள் பாவங்கள் எல்லாவற்றையும் மன்னியும். உமது பரிசுத்த ஆவியினால் எங்களை சுத்திகரித்து எங்கள் மனச்சாட்சியை உயிர்ப்பித்தருளும். உமது பரிசுத்த நாமத்துக்கு மகிமையுண்டாகும்படி நாங்கள் இனிப் புது ஜீவனுள்ளவர்களாய் உமக்கு ஊழியம் செய்யத்தக்கதாக மற்றவர்களுக்கு மன்னிக்க எங்களுக்கு உதவிபுரியும். ஆமென்.

குரு எழுந்து நின்று சொல்வது:

இயேசு கிறிஸ்துவின் மூலமாய்த் தம்மிடத்தில் உண்மையாய் மனந்திரும்புகிற யாவருக்கும் அருளப்படுகிற கிருபை நிறைந்த அருள்வார்த்தையைக் கேளுங்கள்:

வருத்தப்பட்டுப் பாரஞ்சுமக்கிறவர்களே, நீங்கள் எல்லாரும் என்னிடத்தில் வாருங்கள். நான் உங்களுக்கு இளைப்பாறுதல் தருவேன். (மத்தேயு 11:28)

தேவன் (கடவுள்) தம்முடைய ஒரே பேரான குமாரனை விசுவாசிக்கிறவன் எவனோ (விசுவாசிக்கிறவர்கள் எவர்களோ), அவன் (அவர்கள்) கெட்டுப்போகாமல் நித்திய ஜீவனை அடையும்படிக்கு, அவரைத் (இயேசுவைத்) தந்தருளி இவ்வளவாய் உலகத்தில் அன்புகூர்ந்தார். (யோவான் 3:16)

பாவிகளை இரட்சிக்க கிறிஸ்து இயேசு உலகத்தில் வந்தார் என்ற வார்த்தைத உண்மையும் எல்லா அங்கிகரிப்புக்கும் பாத்திரமுமானது. (1 தீமோத்தேயு 1:15)

ஒருவன் பாவஞ்செய்வானானால், நீதிபரராயிருக்கிற இயேசுகிறிஸ்து, நமக்காகப் பிதாவினிடத்தில் பரிந்து பேசுகிறவராயிருக்கிறார். நம்முடைய பாவங்களை நிவர்த்தி செய்கிற கிருபாதார பலி அவரே. (1 யோவான் 2:1,2)

சற்றுநேரம் அமைதியாய் இருந்தபின் குரு சொல்வது:

நம்முடைய பரம பிதாவிகிய சர்வவல்லமையுள்ள கடவுள், உத்தம மனஸ்தாபத்தோடும் உண்மையான விசுவாசத்தோடும் தம்மிடத்திற்கு மனந்திரும்பி, தங்கள் சகோதர, சகோதரிகளின் குற்றங்களை மன்னிக்கிற யாவருக்கும் பாவமன்னிப்பை அருளிச் செய்வோம் என்று மிகுந்த இரக்கமாய் வாக்குத்தத்தம் செய்திருக்கிறார். அவர் நம்முடைய கர்த்தராகிய இயேசு கிறிஸ்துவின் நிமித்தம் உங்களுக்கு இரங்கி, உங்ககள் பாவங்கள் எல்லாவற்றையும் மன்னித்து, அவைகளினின்று உங்களை விடுதலையாக்கி, சகல நன்மையிலும் உங்களை உறுதிப்படுத்தி, நிலைநிறுத்தி, உங்களை நித்திய ஜீவக்கரையில் சேர்ப்பாராக.

ஆமென். தேவரீருக்கே ஸ்தோத்திரம் உண்டாவதாக.

கர்த்தர் உங்களோடிருப்பாராக

அவர் உமது ஆவியோடுமிருப்பாராக

ஜெபம் செய்வோம்

அந்நாளுக்குரிய சுருக்க ஜெபத்தை வாசிக்கவும். அல்லது சுருக்க ஜெபம் செய்யவும்.

திருமறைப் பாடங்கள் படிக்கக் கேட்போம்.

1. பழைய ஏற்பாட்டு பகுதி

2. சங்கீத புத்தகம்

3. நிருபப் பகுதி

4. சுவிசேஷ பாடம்

சபையார் உட்காரந்திருக்க, அருளுரையாற்றப்படும்

நிசேயா விசுவாசப்பிரமாணம்

(பின்பு எல்லாரும் எழுந்துநின்று, நிசேயா விசுவாசப்பிரமாணத்தைச் சொல்ல அல்லது பாட வேண்டும்)

நாம் யாரும் எழுந்து நின்று, நமது விசுவாசத்தை நிசேயா விசுவாசப்பிரமாணத்தின் வழியாய் உறுதி செய்வோம்.

வானத்தையும் பூமியையும், காணப்படுகிறதும் காணப்படாததுமான எல்லாவற்றையும் படைத்தவராயிருக்கிற, சர்வ வல்லமையுள்ள பிதாவாகிய ஒரே கடவுளை விசுவாசிக்கிறேன்.

ஒரே கர்த்தருமாய், கடவுளின் ஒரே பேரான குமாரனுமாயிருக்கிற, இயேசு கிறிஸ்துவையும் விசுவாசிக்கிறேன். அவர் சகல உலகங்களும் உண்டாவதற்கு முன்னே, தமது பிதாவினாலே ஜெனிப்பிக்கப்பட்டவர். தெய்வத்தில் தெய்வமானவர், ஜோதியில் ஜோதியானவர், மெய்க்கடவுளில் மெய்க்கடவுளானவர், உண்டாக்கப்படாமல் ஜெனிப்பிக்கப்பட்டவர். பிதாவோடே ஒரே தம்மையுடையவர், சகலத்தையும் உண்டாக்கினவர். மனிதராகிய நமக்காகவும், நமக்கு இரட்சிப்பு உண்டாகவும், பரமண்டலத்திலிருந்து இறங்கி பரிசுத்த ஆவியாராலே, கன்னிமரியாளிடத்தில் அவதரித்து மனிதனானார். நமக்காகப் பொந்தியு பிலாத்துவின் காலத்தில், சிலுவையில் அறையுண்டு, பாடுபட்டு, மரித்து அடக்கம்பண்ணப்பட்டார். தேவ வாக்கியங்களின்படி, மூன்றாம் நாள் உயிர்த்தெழுந்தார். பரமண்டலத்துக்கேறி, பிதாவின் வலதுபாரிசத்தில் வீற்றிருக்கிறார். உயிருள்ளோரையும் மரித்தோரையும் நியாயந்தீர்க்க, மகிமையோடே திரும்ப விருவார். அவருடைய இராஜ்யத்துக்க முடிவில்லை.

கர்த்தருமாய், ஜீவனைக் கொடுக்கிறவருமாய், பிதாவிலும் குமாரனிலும் நின்று புறப்படுகிறவருமாய், பிதாவோடும் குமாரனோடும் கூடத்தொழுது ஸ்தோத்திரிக்கப்படுகிறவருமாய். தீர்க்கதரிசிகள் மூலமாக உரைத்தவருமாயிருக்கிற பரிசுத்த ஆவியையும் விசுவாசிக்கிறேன். ஒரே பரிசுத்தப் பொதுவான அப்போஸ்தலத் திருச்சபை உண்டென்று விசுவாசிக்கிறேன். பாவமன்னிப்புக்கென்று நியமிக்கப்பட்ட ஒரே ஞானஸ்நானத்தை அறிக்கையிடுகிறேன். மரித்தோர் உயிர்த்தெழுதலும், மறுமைக்குரிய ஜீவனும் உண்டாகும் என்று காத்திருக்கிறேன். ஆமென்.

கடவுள் தாமே நாம் அறிக்கை செய்த இந்த பற்றுருதியில் வாழ்நாள் முழுவதும் நாம் தொடர்ந்து பயணிக்க அருள்புரிவாராக. ஆமென்.

(அல்லது அப்போஸ்தலர் விசுவாசப்பிரமாணத்தைக் கூறலாம்)

அப்போஸ்தலர் விசுவாசப்பிரமாணம்

வானத்தையும் பூமியையும் படைத்த சர்வ வல்லமையுள்ள பிதாவாகிய கடவுளை விசுவாசிக்கிறேன்.

அவருடைய குமாரனாகிய நம்முடைய நாதர் இயேசு கிறிஸ்துவையும் விசுவாசிக்கிறேன். அவர் பரிசுத்த ஆவியினாலே கன்னிமரியாளிடத்தில் உற்பவித்துப் பிறந்தார். பொந்தியு பிலாத்துவின் காலத்தில் பாடுபட்டுச் சிலுவையில் அறையுண்டு, மரித்து, அடக்கம்பண்ணப்பட்டுப் பாதாளத்தில் இறங்கினார். மூன்றாம் நாள் மரித்தோரிலிருந்து எழுந்தருளினார். பரமண்டலத்துக்கேறி, சர்வ வல்லமையுள்ள பிதாவாகிய கடவுளின் வலது பாரிசத்திலே வீற்றிருக்கிறார். அவ்விடத்திலிருந்து உயிருள்ளோரையும் மரித்தோரையும் நியாயந்தீர்க்க வருவார்.

பரிசுத்த ஆவியையும் விசுவாசிக்கிறேன். பொதுவாயிருக்கிற பரிசுத்த சபையும், பரிசுத்தவான்களுடைய ஐக்கியமும், பாவ மன்னிப்பும், சரீர உயிர்த்தெழுதலும் நித்திய ஜீவனும் உண்டென்று விசுவாசிக்கிறோம். ஆமென்.

நாம் இந்த விசுவாசத்தில் கடைசிவரை நிலைத்திருக்க ஆண்டவர் தாமே நமக்கு அருள்புரிவாராக. ஆமென். (யாவரும் அமருவோம்)

லித்தானியா ஜெபம்

எல்லா மனிதருக்காகவும், ஜெபங்களையும் விண்ணப்பங்களையும் செய்து, தோத்திரங்களைச் செலுத்த வேண்டுமென்று கற்பித்தருளின சர்வ வல்லமையுள்ள கடவுளே.

எங்களை் ஜெபத்தைக் கேட்டருளும், கர்த்தாவே

எங்குமுள்ள திருச்சபைக்குத் தேவரீர் உண்மையும், ஐக்கியமும் ஏகசிந்தையுமுள்ள மனதை, இடைவிடாமல் அருளிச்செய்யும்:

எங்கள் ஜெபத்தைக் கேட்டருளும், கர்த்தாவே

உம்முடைய திருநாமத்தை அறிக்கையிடுகிற யாவரும், உமது பரிசுத்த வசனத்தின் சத்தியத்தைக் குறித்து இசைந்த மனதுள்ளவர்களாயிருந்து, தைரியத்தோடும் உண்மையோடும் அதற்கு சாட்சி பகர அனுக்கிரகஞ் செய்யும்.